புதைமணலில் மாட்டிய ஷாரூக்கான் : பயமுறுத்திய டி.வி.தொகுப்பாளரை அடிக்க பாய்ந்தார்

புதைமணலில் மாட்டிய ஷாரூக்கான் : பயமுறுத்திய டி.வி.தொகுப்பாளரை அடிக்க பாய்ந்தார்

07 ஜூன், 2017 - 10:28 IST

எழுத்தின் அளவு:

அபுதாபியில் ஒளிபரப்பாகும் ஒரு பிரபல தொலைக்காட்சி சேனலில் ரமீஸ் பி ஏலா, அப் பித் நார் என்ற ரியாலிட்டி ஷோ நிகழ்ச்சி பிரபலம். இதனை எகிப்து நடிகர் ரமீஸ் கலால் நடத்துகிறார். பிரபலங்களிடம் சேட்டை செய்து அவர்களை கோப்படுத்தி பார்க்கும் நிகழ்ச்சி, பொது இடங்களில் அதிரடியாக எதையாவது செய்து மக்களின் ரீயாக்ஷன் எப்படி இருக்கிறது என்பதையும் இந்த நிகழ்ச்சியில் ஒளிபரப்புவார்கள்.

பாலிவுட் நடிகர் ஷாருக்கான் அபுதாபி சென்றார். டிவி நிகழ்ச்சி ஒன்றுக்கு பேட்டியளிக்க காரில் சென்றார். அவர் பாலைவன பயணம் செய்ய இருக்கிறார் என்பதை அறிந்து கொண்ட ரமீஸ் கலால் தனது குழுவுடன் அங்கு சென்றார். பாலைவனத்தில் செயற்கையாக ஒரு புதைமணலை அமைத்தார். ஷாருக்கானை அந்த புதைமணலுக்கு அழைத்து வரை ஏற்பாடு செய்தார். ஷாருக்கானை குழிக்குள் விழ வைத்து அவரது ரீயாக்ஷனை படம் பிடிப்பது திட்டம். ஷாரூக்கான், அந்த பெண் உட்பட நால்வர் புதைமணலில் மாட்டிக்கொள்ள, அப்போது ராட்சத பல்லி உருவத்தில் வந்து தொகுப்பாளர் ரமீஷ் பயமுறுத்தினர். பின்பு தன் பல்லி உருவத்தை களைந்து இது டி.வி ஷோ என்றார் ரமீஷ்.

அவ்வளவுதான் ஷாருக்கானுக்கு கடும் கோபம் வந்தது. மணலில் இருந்து வெளியே வந்த ரமீஸை பார்த்ததும் ஷாருக்கான், "இது எல்லாம் ஒரு விளையாட்டா, இதற்கு தான் நான் இந்தியாவில் இருந்து வந்தேனா..." என்று கேட்டு கோபத்தில் கொந்தளித்தார். பாலைவனத்தில் அவரது காலைபிடித்து தரதரவென இழுத்து சென்று முகத்திலேயே குத்த பாய்ந்தார். இதைத் தொடர்ந்து தொகுப்பாளர் ரமீஸ் நான் உங்கள் ரசிகன், நீங்கள் எனக்கு சகோதரர் மாதிரி உங்கள் மனம் புண்பட்டிருந்தால் என்னை மன்னியுங்கள் என்று ஷாருக்கின் காலை பிடித்துக்கொண்டு மன்னிப்புக் கேட்டார். அவரும் ஒரு நடிகர் என்பதால் ஷாருக்கும் மன்னித்தார். இந்த நிகழ்ச்சி அந்த டி.வியில் ஒளிபரப்பாகி இப்போது வைரலாகிக் கொண்டிருக்கிறது.