கோல்கட்டாவில் நடிகை பிணம் அழுகிய நிலையில் மீட்பு

கோல்கட்டாவில் நடிகை பிணம் அழுகிய நிலையில் மீட்பு

09 பிப்,2017 - 08:32 IST

எழுத்தின் அளவு:

கோல்கட்டாவில், நடிகையின் பிணத்தை அழுகிய நிலையில், போலீசார் மீட்டது, பரபரப்பை ஏற்படுத்தி உள்ளது.

மேற்கு வங்க மாநிலம் கோல்கட்டாவை சேர்ந்தவர் பிடாஸ்டா சஹா, 25, துணை நடிகை. குடும்பத்தை விட்டு பிரிந்து, தனி வீட்டில் வசிக்கிறார். இரண்டு நாட்களுக்கு முன், பிடாஸ்டாவுக்கு, அவரது தாயார், போன் செய்துள்ளார். ஆனால், போனை, பிடாஸ்டா எடுக்கவில்லை. பல முறை போன் செய்தும், பிடாஸ்டாவிடமிருந்து பதில் இல்லாததால், தாயாருக்கு சந்தேகம் ஏற்பட்டது.

இதையடுத்து, கோல்கட்டாவில் உள்ள பிடாஸ்டாவின் வீட்டுக்கு, நேற்று காலை சென்றார். பல முறை தட்டியும், கதவு திறக்கப்படவில்லை. மேலும், அந்த வீட்டிலிருந்து துர்நாற்றம் வீசியது. இதையடுத்து போலீசில் புகார் செய்தார். போலீசார் வந்து, கதவை உடைத்து, உள்ளே சென்றனர். அங்கு, மின் விசிறியில், பிடாஸ்டா, பிணமாக தொங்குவதை பார்த்து திடுக்கிட்டனர். அவரது மணிக்கட்டில் கத்தியால் வெட்டப்பட்டு, ரத்தம் உறைந்து இருந்தது. பிடாஸ்டாவின் உடல், அழுகிய நிலையில் இருந்தது.

இதுகுறித்து போலீசார் கூறியதாவது: கோல்கட்டா வீட்டில், பிடாஸ்டா, தனியாக வசித்து வந்துள்ளார். சினிமாவில், வாய்ப்பு கிடைக்காமல், சில மாதங்களாக மன உளைச்சலில் இருந்துள்ளார். சமூக வலைதளங்களில், தற்கொலை செய்து கொள்ளும் எண்ணத்தை, வெளிப்படுத்தியுள்ளார். அதனால், அவர் தற்கொலை செய்திருக்கலாம் என, சந்தேகிக்கிறோம். இவ்வாறு போலீசார் கூறினர்.