டோலிவுட்டை அதிர வைத்த பூஜா ஹெக்டே!
08 ஜூன், 2017 - 09:24 IST
மிஷ்கின் இயக்கிய முகமூடி படத்தில் அறிமுகமானவர் பூஜா ஹெக்டே. ஆனால் தமிழில் அவர் நடித்த முதல் படமே தோல்வியடைந்ததால், பின்னர் படவாய்ப்பு கள் இல்லாமல் வடக்கே சென்று தெலுங்கு, இந்தி படங்களில் நடித்து வருகிறார் பூஜா ஹெக்டே. அந்த வகையில், ஹிருத்திக் ரோஷன், அல்லு அர்ஜூன், நாக சைதன்யா என பல முன்னணி ஹீரோக்களுடன் நடித்துவிட்ட அவர் தற்போது தெலுங்கில் அல்லு அர்ஜூனுடன் நடித்துள்ள துவ்வாட ஜகன்னாதம் என்ற படத்தில் படுகவர்ச்சியாக நடித்து டோலிவுட்டையே அதிர வைத்திருக்கிறார்.
ஆனால் அந்த படம் இன்னும் ரிலீசாகவில்லை. அந்த படத்தின் டிரைலர், டீசரில் அவர் நடித்துள்ள கவர்ச்சிகரமான நடிப்புதான் அவரை பரபரப்பாக பேச வைத்திருக்கிறது. அதன்காரணமாக, தனது மகன் பெல்லம்கொண்டா சாய் ஸ்ரீனிவாசுடன் சமந்தா, தமன்னா போன்ற முன்னணி நடிகைகளையே ஜோடி சேர்த்து படமெடுக்கும் தயாரிப்பாளர் பெல்லம் கொண்டா, தற்போது தான் தயாரிக்கும் புதிய படத்தில் மகனுக்கு ஜோடியாக பூஜா ஹெக்டேவிடம் பேசியிருக்கிறார். அதோடு, துவ்வாட ஜகன்னாதம் படத்திற்கு ரூ.60 லட்சம் சம்பளம் வாங்கியுள்ள பூஜா ஹெக்டேவிற்கு ஒரு கோடி சம்பளம் பேசியிருக்கிறாராம் தயாரிப்பாளர் பெல்லம் கொண்டா.
Advertisement
தென்னிந்திய பெண்ணாக மாறும் காஜல் ...
0 comments:
Post a Comment