நாகசைதன்யா நடிக்கும் புதிய படம் யுத்தம் சரணம்

நாகசைதன்யா நடிக்கும் புதிய படம் யுத்தம் சரணம்

04 ஜூலை, 2017 - 14:12 IST

எழுத்தின் அளவு:

நாகசைதன்யா நடிப்பில் கடந்த மே 26-ந்தேதி வெளியான படம் ராரண்டாய் வேதுக சுதம். இப்படத்தில் அவருக்கு ஜோடியாக ராகுல்பிரித்சிங் நடித்திருந்தார். அவரது தந்தையான நடிகர் நாகார்ஜூனாவே படத்தை தயாரித்தார். இதையடுத்து கிருஷ்ணா ஆர்.வி.மாரிமுத்து என்ற புதியவர் இயக்கும் படத்தில் நடிக்கிறார் நாகசைதன்யா. அப்படம் குறித்த டைட்டீல் மற்றும் பர்ஸ்ட் லுக் தற்போது வெளியாகியிருக்கிறது.

இந்த படத்திற்கு யுத்தம் சரணம் என்று டைட்டீல் வைத்துள்ளனர். இதற்கு முன்பு நாகசைதன்யா நடித்த படங்கள் எல்லாமே ரொமான்ஸ் மற்றும் காமெடி கதைகளிலேயே உருவாகி வந்தன. ஆனால் இந்த படம் ஆக்சன் திரில்லர் கதையில் தயாராகிறது. அதன்காரணமாகவே யுத்தம் சரணம் என்று அதிரடி டைட்டீலை வைத்துள்ளனர்.

நாகசைதன்யா இப்படியொரு சக்திவாய்ந்த டைட்டீலில் நடிக்கும் செய்தி வெளியாகியிருப்பது தெலுங்குப்பட வட்டாரத்தில் திடீர் ஆச்சர்யத்தை ஏற்படுத்தியுள்ளது. இந்த படத்தில் லாவண்யா திரிபாதி நாயகியாக நடிக்க, நடிகை ரேவதி ஒரு முக்கியத்துவம் வாய்ந்த வேடத்தில் நடிக்கிறார்.