நம்பமுடியாதபடி எடையை குறைத்த பிருத்விராஜ்..!

நம்பமுடியாதபடி எடையை குறைத்த பிருத்விராஜ்..!

04 ஜூலை, 2017 - 17:49 IST

எழுத்தின் அளவு:

பிருத்விராஜ் நடிப்பில் அடுத்ததாக உருவாக இருக்கும் படம் 'விமானம்'. இது ஒரு உண்மை நிகழ்வை அடிப்படையாக வைத்து உருவாக இருக்கும் படம். ஆம்.. சில வருடங்களுக்கு முன் கேரளாவில் பரப்பரப்பான செய்திகளில் இடம்பிடித்தவர் தான் ஷாஜி தாமஸ்.. வாய் பேசமுடியாத, கேட்கும் திறனையும் இழந்த, ஏழாம் வகுப்போடு தனது பள்ளிப்படிப்பை கைவிட்ட இந்த ஷாஜி என்பவர் தனது விடாமுயற்சியால் மரக்கட்டைகளையும் பைக் இஞ்சினையும் வைத்து விமானம் ஒன்றை உருவாக்கி பறக்க வைத்தார்.

அந்த ஷாஜியின் கதைதான் இப்போது பிருத்விராஜ் நடிக்கும் 'விமானம்' அக மாறியுள்ளது. பத்திரிகையாளரான பிரதீப் எம்.நாயர் என்பவர் இந்த ஷாஜியின் வாழ்க்கை வரலாற்றை அலசி, அதில் சினிமாவுக்கான கமர்ஷியல் விஷங்களையும் கோர்த்து அழகான திரைக்கதையாக மாற்றியுள்ளார். இதில் ஆச்சர்யம் என்னவென்றால் 12 கோடி ரூபாய் பட்ஜெட்டில் உருவாகவிருக்கும் இந்தப்படத்திற்காக ஒரிஜினல் ஷாஜியையே வரவழைத்து மூன்று குட்டி விமானங்களை தயாரிக்கும் பொறுப்பையும் வழங்கியுள்ளார்கள்.

ஷாஜி தவிர சில ஹாலிவுட் தொழில்நுட்ப கலைஞர்களும் இந்தப்படத்தில் பணியாற்ற இருக்கிறார்கள் என்றும் சொல்லப்படுகிறது இந்தப்படத்தில் நடிப்பதற்காக பிருத்விராஜ் தனது உடல் எடையை வெகு கணிசமாக குறைத்திருக்கிறார். சமீபத்தில் துவங்கிய இந்தப்படத்தின் படப்பிடிப்பில் கலந்துகொள்ள ஷூட்டிங் ஸ்பாட்டுக்கு வந்த பிருத்விராஜை பார்த்து கூடி நின்றிருந்த ரசிகர்களே ஆச்சர்யப்படும் அளவுக்கு உடல் மெலிந்து காட்சியளிக்கிறார் பிருத்விராஜ்.

ஐ படத்தில் விக்ரம் தனது உடல் எடையை குறைத்தது போன்று பிருத்விராஜூம் தனது உடல் எடையை குறைத்திருக்கிறார்.