மோ பட ஹீரோவின் அடுத்த படம் அதிமேதாவிகள்

மோ பட ஹீரோவின் அடுத்த படம் அதிமேதாவிகள்

01 ஜன,2017 - 11:28 IST

எழுத்தின் அளவு:

ஆண்டின் கடைசி வெள்ளிக்கிழமையில் வெளியாகி பரவலான கவனம் ஈர்த்திருக்கிற மோ படம். யாமிருக்க பயமே, டார்லிங் படங்களின் வரிசையில் காமெடி பேய் படமாக வெளிவந்திருக்கிறது. இதில் சின்னத்திரை தொகுப்பாளர் சுரேஷ் ரவி ஹீரோவாக நடித்துள்ளார். மோ படத்தின் வரவேற்பை தொடர்ந்து அதிமேதாவிகள் என்ற படத்தில் ஹீரோவாக நடிக்கும் வாய்ப்பு கிடைத்திருக்கிறது. இதுபற்றி அவர் கூறியதாவது:

தொடர்ந்து பேசி கொண்டே இருக்கும் ஒரு தொகுப்பாளராக தான் ரசிகர்கள் இதுவரை என்னை பார்த்து இருக்கிறார்கள். அதனால், என்னுடைய முதல் படத்தில் அந்த சாயல் இருக்க கூடாது என்பதில் கவனமாக இருந்து, நடிப்பிற்கு முக்கியத்துவம் தரும் கதையம்சங்களில் கவனம் செலுத்தினேன். அந்த வகையில், மோ படத்தில் நான் நடித்த கதாபாத்திரம் எல்லோரிடத்திலும் நல்லதொரு வரவேற்பை பெற்று வருவது, மகிழ்ச்சியாக இருக்கின்றது.

என்னுடைய கல்லூரி நாட்களில் இருந்தே நடிப்பின் மீது எனக்கு அதிகமான ஈர்ப்பு உண்டு. சரியான கதைக்களத்தில் பணியாற்ற வேண்டும் என்கின்ற என்னுடைய 8 வருட கனவு மோ திரைப்படம் மூலம் நிறைவேறி இருக்கிறது. என்னுடைய அடுத்த திரைப்படம், ரஞ்சித் மணிகண்டன் இயக்கத்தில், நட்பு மற்றும் நகைச்சுவை பின்னணியில் உருவாகும் அதி மேதாவிகள். நடிப்பில் என்னால் சாதிக்க முடியும் என்ற நம்பிக்கையை என் மனதில் விதைத்தவர் ரஞ்சித் மணிகண்டன். மோ படத்தில் இருந்து முற்றிலும் மாறுபட்ட கதாபாத்திரத்தில் அதி மேதாவிகள் படத்தில் நடிக்கிறேன். என்கிறார் சுரேஷ் ரவி.