பிரபாசின் புதிய படம் ரூ.350 கோடிக்கு விற்பனையாகிறது
20 மே,2017 - 10:23 IST
பிரபாஸ் நடித்துள்ள பாகுபலி படம் தற்போது உலகம் முழுவதும் வெற்றிகரமாக ஓடி ரூ.1500 கோடி வசூலை எட்டியுள்ளது. இதன் வசூல் மேலும் அதிகரிக்க வாய்ப்புள்ளது. இதனால் பாகுபலி நாயகன் பிரபாஸ் ஹாலிவுட் நடிகர் போன்று உலகம் முழுவதும் அறியப்பட்ட நடிகராகிவிட்டார். அவரது அடுத்த படம் பற்றிய எதிர்பார்ப்பு கூடியுள்ளது. இந்த நிலையில் பிரபாஸ் சாஹோ என்ற படத்தில் நடித்து வருகிறார். தமிழ், தெலுங்கு, இந்தி ஆகிய மொழிகளில் தயாராகும் இந்தப் படம் 200 கோடி ரூபாய் பட்ஜெட்டில் உருவாகிறது.
இந்தப் படத்தை யுவி கிரியேஷன்ஸ் சார்பில் வம்சி மற்றும் பிரமோ தயாரிக்கிறார்கள். சங்கர், இசான், லாய் இசை அமைக்கிறார்கள். மதி ஒளிப்பதிவு செய்கிறார். தற்போது படப்பிடிப்பு நடந்து கொண்டிருக்கிறது. பிரபலாமான பாலிவுட் நிறுவனம் சாஹோவின் அனைத்து உரிமத்தையும் 350 கோடி ரூபாய்க்கு கேட்டுள்ளது. இது தொடர்பான வியாபார பேச்சுவார்த்தை நடந்து வருகிறது. விரையில் அதிகாரபூர்வமாக அறிவிக்கப்பட இருக்கிறது.
0 comments:
Post a Comment