பிருத்விராஜுக்கு வில்லனாக ஹாலிவுட் நடிகர்
19 அக்,2016 - 16:10 IST
கடந்த வருடம் பிருத்விராஜ்-பார்வதி கூட்டணியில் உருவான 'என்னு நிண்டே மொய்தீன்' படத்தில் வரலாறு காணாத வெற்றியும் அதில் நடித்த பிருத்விராஜ்-பார்வதி ஜோடிக்கு கிடைக்கு கிடைத்த அபரிமிதமான வரவேற்பும் படத்துக்கு கிடைத்த விருதுகளும் கணக்கிலடங்காதவை.. மொய்தீனும் காஞ்சனமாலாவுமாக நம்மை கவர்ந்த இந்த காதல் ஜோடி மீண்டும்'மை ஸ்டோரி' என்கிற புதிய படத்திற்காக. ஜெய்-தாரா என புதிய ஜோடியாக நம் முன் வலம் வர இருக்கிறார்கள் என்கிற விஷயத்தை ஏற்கனவே தெரியப்படுத்தி இருக்கிறோம்.
இந்த ஜோடியை சேரவிடாமல் தடுக்கும் நபராக, அதாவது படஹ்தில் வில்லனாக நடிக்க ஹாலிவுட் நடிகரான ரோஜர் நாராயன் என்பவரை ஒப்பந்தம் செய்துள்ளார்கள்.. இந்திய வம்சாவளியை சேர்ந்த இவர் 'தி மேன் ஹூ நோ இன்பினிட்டி' என்கிற ஹாலிவுட் படத்தின் மூலம் கவனம் ஈர்த்தவர். 'மை ஸ்டோரி' படத்தை ரோஷிணி தினகர் என்கிற பெண் இயக்குனர் இயக்குகிறார். இவர் காஸ்ட்யூம் டிசைனர், ஸ்டைலிஸ்ட்டாக இருந்து இயக்குனராக மாறியுள்ளார். எந்திரன் படத்திற்கு ஒளிப்பதிவு செய்த ரத்தினவேலு(ராண்டி) தான் இந்தப்படத்தின் ஒளிப்பதிவாளர் என்பது இன்னொரு ஸ்பெஷல் நியூஸ்.
0 comments:
Post a Comment