கௌதம் மேனன் போட்ட அக்ரிமெண்ட்

கௌதம் மேனன் போட்ட அக்ரிமெண்ட்

20 அக்,2016 - 12:29 IST

எழுத்தின் அளவு:

'அச்சம் என்பது மடமையடா' படத்தில் சிம்புவுக்கு ஜோடியாக நடித்திருப்பவர் மலையாள நடிகை மஞ்சிமா மோகன். இவரை அறிமுகம் செய்யும்போதே தன்னுடைய கம்பெனியில் இன்னொரு படத்தில் நடிக்க வேண்டும் என்று அக்ரிமெண்ட் போட்டிருந்தார் கௌதம் மேனன். அதன்படி தன்னுடைய இயக்கத்தில் மற்றொரு படத்தில் நடிக்க மஞ்சிமா மோகனை கமிட் பண்ணியுள்ளார் கௌதம் மேனன்.

'அச்சம் என்பது மடமையடா' படத்தை எப்படியாவது டிசம்பர் மாதம் ரிலீஸ் செய்ய வேண்டும் என்ற திட்டத்தில் பரபரப்பாக இயங்கி வருகிறார் கௌதம் மேனன். அவர் இயக்கும் இன்னொரு படமான தனுஷின் 'எனை நோக்கிப் பாயும் தோட்டா' படமும் பைனான்ஸ் சிக்கலில் முடங்கிக் கிடக்கிறது.

இந்தப் படத்தையும் முடித்துவிட்டு புதிய படம் துவங்க உள்ளார் கௌதம் மேனன். நான்கு மொழிப் படமாக உருவாகும் அந்தப் படத்தில் நாலு ஹீரோ, மூணு ஹீரோயின் நடிக்கின்றனர். தமிழிலிருந்து ஜெயம் ரவி, மலையாளத்திலிருந்து ப்ருத்விராஜ், தெலுங்கிலிருந்து சாய் சரண்தேஜ், கன்னடத்திலிருந்து புனித் ராஜ்குமார் என மொழிக்கு ஒரு ஹீரோவை புக் பண்ணியுள்ளார். அதேபோல்... அனுஷ்கா, தமன்னா இருவரும் இப்படத்தின் கதாநாயகிகளாக ஏற்கனவே ஒப்பந்தம் செய்யப்பட்டுவிட்டனர். தற்போது மஞ்சிமா மோகன் மற்றாரு நாயகியாக கமிட்டாகியுள்ளார்.