தீபாவளி ரேஸில் மா.கா.பா. ஆனந்த்
22 அக்,2016 - 16:44 IST
சின்னத்திரை தொகுப்பாளராக இருந்து சிவகார்த்திகேயன் வழியில் ஹீரோவாகியிருப்பவர் மா.கா.பா.ஆனந்த். வானவராயன் வல்லவராயன் படத்தில் அறிமுகமானவர் அதன் பிறகு நவரச திலகம், அட்டி படத்தில் நடித்தார். இரண்டுமே வந்ததும் தெரியவில்லை, போனதும் தெரியவில்லை. அடுத்து வருகிறது கடலை. வருகிற தீபாவளி ரேஸில் தனுஷ், கார்த்தியோடு களம் இறங்குகிறார் மா.கா.பா. ஆனந்த்.
விளம்பர படங்களை இயக்கி வந்த வி.சகாய சுரேஷ், கடலை படத்தை இயக்கி உள்ளார். என்.ராகவ் இசை அமைத்துள்ளார், சி.எஸ்.சாம் ஒளிப்பதிவு செய்துள்ளார், ஐஸ்வர்யா ராஜேஷ் ஹீரோயின். பொன்வண்ணன் யோகி பாபு, ஜான் விஜய் உள்பட பலர் நடித்திருக்கிறார்கள். பொன் வண்ணன் நல்ல விவசாயி, மகன் மா.கா.பா.வுக்கு விவசாயம் பிடிக்காது. திடீரென பிடிக்க ஆரம்பித்து விடும் ஏனென்றால் அவர் காதலிக்கும் ஐஸ்வர்யா ராஜேஷ் அக்ரி ஸ்டூடண்ட். இப்படி காமெடியாக போகும் கதை. இந்தப் படம் தன்னை கொஞ்சம் திரும்பி பார்க்க வைக்கும் என்று உறுதியாக நம்புகிறார் மா.கா.பா. ஆனந்த்.
0 comments:
Post a Comment