Tuesday, October 18, 2016

ஆஸ்திரேலியாவில் பிறந்த நாள் கொண்டாடிய கீர்த்தி சுரேஷ்


ஆஸ்திரேலியாவில் பிறந்த நாள் கொண்டாடிய கீர்த்தி சுரேஷ்



18 அக்,2016 - 14:51 IST






எழுத்தின் அளவு:








மாஜி ஹீரோயின் மேனகாவின் மகள் கீர்த்தி சுரேஷ். மலையாளத்தில் குழந்தை நட்சத்திரமாக நடித்து வந்த கீர்த்தி, கீதாஞ்சலி படத்தின் மூலம் ஹீரோயின் ஆனார். ஏ.எல்.விஜய் இயக்கிய இது என்ன மாயம் படத்தில் விக்ரம் பிரபு ஜோடியாக நடித்து தமிழுக்கு வந்தார். இது என்ன மாயம் சரியாக போகவில்லை என்றாலும் அதன் பிறகு அவர் நடித்த ரஜினி முருகன் வெற்றி பெற பிசியான நடிகையாகிவிட்டார், எல்லா முன்னணி ஹீரோக்களும் கீர்த்தி சுரேசுக்கு ஓகே சொல்கிறார்கள். சமீபத்தில் வெளிவந்த தொடரி, ரெமோ படத்தில் கீர்த்தியின் நடிப்பு பேசப்பட்டது. தெலுங்கு சினிமாவிலும் முன்னணி நடிகையாகிவிட்டார். தற்போது விஜய்யுடன் பைரவா, பாபி சிம்ஹாவுடன் பாம்பு சட்டை, சூர்யாவுடன் தானா சேர்ந்த கூட்டம் படங்களில் நடிக்கிறார்.

கீர்த்தி சுரேசுக்கு நேற்று 24வது பிறந்த நாள். ரெமோ படத்தின் வெற்றி விழாவில் பங்கேற்க சிவகார்த்திகேயனுடன் ஆஸ்திரேலியா சென்றுள்ள கீர்த்தி அங்கேயே தனது பிறந்த நாளை கொண்டாடினார். கீர்த்தி அம்மா மேனகா, சிவகார்த்திகேயன் முன்னிலையில் கேக் வெட்டி ஊட்டி மகிழ்ந்தார். இந்தியா திரும்பியதும் நெருங்கிய நண்பர்களுக்கு விருந்து கொடுக்க முடிவு செய்திருக்கிறார்.


0 comments:

Post a Comment