தியேட்டரில் தேசிய கீதம்: மத்திய அரசு பதில் அளிக்க கோர்ட் உத்தரவு
18 அக்,2016 - 15:31 IST
முன்பு தியேட்டர்களில் படம் முடிந்ததும் திரையில் தேசியகொடி பறக்க தேசிய கீதம் இசைக்கப்பட்டது. ஆனால் படம் முடிந்து எல்லோரும் சென்று விடுவதால் இந்த நடைமுறை வெற்றி பெறவில்லை. அதன் பிறகு படம் தொடங்குவதற்கு முன்பு தேசிய கீதம் இசைக்க வேண்டும் என்று திட்டத்தில் மாற்றம் செய்யப்பட்டது. இது சில மாநிலங்களில் மட்டும் நடைமுறையில் உள்ளது. பல மாநிலங்களில் இல்லை.
இதை எதிர்த்தும், எல்லா மாநிலங்களும் திரையரங்குகளில் தேசிய கீதம் இசைப்பதற்கு உத்தரவிட வேண்டும் என்று கோரியும் டில்லியைச் சேர்ந்த ஹர்ஷ் நாகர் என்பவர் டில்லி ஐகோர்ட்டில் வழக்கு தொடர்ந்தார். இந்த வழக்கை விசாரணைக்கு ஏற்றுக் கொண்ட நீதிமன்றம். நீதிபதி ஜி.ரோஹினி, சங்கீதா அடங்கிய அமர்வு ஒன்றை அமைத்தது. நேற்று கூடிய இந்த அமர்வு, மனுதாரரின் புகார் மனு மீது வருகிற டிசம்பர் 14ந் தேதிக்குள் மத்திய மாநில அரசுகள் விளக்க மனு தாக்கல் செய்ய உத்தரவிட்டது.
0 comments:
Post a Comment