அஜித் – ஷங்கர் கூட்டணி உறுதி? இவர் தான் தயாரிப்பாளர்

அஜித் – ஷங்கர் கூட்டணி உறுதி? இவர் தான் தயாரிப்பாளர்

Published 2 mins ago by CF Team  Time last modified: October 23, 2016 at 7:48 am [IST]

நடிகர் அஜித்குமாரை இயக்க பல இயக்குனர்கள் வெய்ட்டிங்கில் இருக்கும் நிலையில், தற்பொழுது மூன்றாவது முறையாக சிறுத்தை சிவா-வுடன் இணைந்து தனது 57-வது படத்தில் நடித்து வருகிறார் அஜித்.

advertisement

இப்படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது. இந்நிலையில், அஜித்-ன் 58வது படத்தை இயக்குனர் ஷங்கர் இயக்க போவதாவகவும் இப்படத்தை தயாரிப்பாளர் ஏ.எம்.ரத்னம் தயாரிப்பார் என தகவல்கள் கோலிவுட் வட்டாரங்களிடையே கூறப்படுகின்றது.

மேலும், அஜித்குமார் ஒரு படத்தின் வேலைகள் முடியும் முன்னர் அடுத்த படத்தை பற்றி கமிட்மெண்டுகளில் ஆர்வம் காட்ட மாட்டார் என்று அனைவரும் அறிந்த விஷயமே. அஜித் இன்னும் இயக்குனர் ஷங்கரிடம் முழுகதையை கேட்கவில்லையாம்.

கடந்த சில மாதங்களாக அஜித் ஓய்வில் இருந்த போது பிரபல நட்சத்திர ஓட்டலில் இருந்த அஜித்குமாரை எதேச்சையாக சந்தித்த இயக்குனர் ஷங்கர் கதையின் ஒன் லைன் ஸ்டோரியை சொல்ல, நல்ல சப்ஜெக்ட் சார், கூடிய சீக்கிரமே பண்ணலாம் என்று அஜித்குமார் வாய்வழி உத்திரவாதத்தை அளித்திருப்பதாக தகவல்கள் கசிந்துள்ளன.

முன்னணி இயக்குனர் என்பதால், உடனே முடியாது என சொன்னால் அவ்வளவு சிறப்பாக இருக்காது என நினைத்து அப்படி கூறினாரா? அல்லது இயக்குனர் ஷங்கருடன் இணைந்து பணியாற்ற விருப்பம் இருந்ததால் அப்படி கூறினாரா? என்பது அஜித்திற்கு மட்டுமே தெரிந்த விஷயமாகிறது. தல57 பணிகள் முழுமை பெரும் தருவாயில் இது குறித்து அதிகாரபூர்வ தகவல்கள் வெளிவரும் என எதிர்பாக்கப்படுகின்றது.

Summary in English : A Buzz in K-Town that, Actor Ajithkumar may join with Director Shankar in Thala58.