மோகன்லால்-லால் ஜோஸ் கூட்டணிக்காக ஓவர் டூட்டி பார்க்கும் 'மஜா' கதாசிரியர்..!
01 மே,2017 - 12:16 IST
மலையாள சினிமாவின் மோஸ்ட் வான்டட் இயக்குனர்களில் ஒருவர் தான் லால் ஜோஸ்.... சினிமாவில் இயக்குனராக அடியெடுத்து வைத்து 17 ஆண்டுகள் ஆகிவிட்டன. 22 படங்களை இயக்கி முடித்துவிட்டார்.. இவர் இயக்கியது எல்லாமே முன்னணி நடிகர்களின் படங்கள் தான். ஆனால் என்னதான் வெற்றிகரமான இயக்குனராக வலம் வந்தாலும் இத்தனை ஆண்டுகளில் மோகன்லால் படத்தை இயக்கும் சந்தர்ப்பம் இவருக்கு அமையவில்லையே என்பதில் லால் ஜோஸுக்கு மட்டுமல்ல, மோகன்லால் ரசிகர்களுக்கும் லால் ஜோஸ் படத்தை ரசித்து பார்க்கும் குடும்ப ரசிகர்களுக்கும் வருத்தம் தான்..
ஒருவழியாக அந்த வருத்தத்தை போக்கும் விதமாக தற்போது இருவரும் முதன்முறையாக கூட்டணி சேர்ந்துள்ளனர்.. வரும் மே-15ல் இந்தப்படத்தின் படப்பிடிப்பு துவங்க இருக்கிறது.. இந்தப்படத்தில் கல்லூரியின் வைஸ் பிரின்சிபால் ஆக நடிக்கிறார் மோகன்லால்.. இந்தப்படத்தின் கதையை எழுதியுள்ளார் மலையாள சினிமாவின் பிரபல கதாசிரியர் பென்னி பி.நாயரம்பலம்.. மலையாளத்தில் பல ஹிட் படங்களுக்கு சொந்தக்காரர் தான் என்றாலும், கடைசியாக இவரது கதையில் வெளியான படங்கள் பெரிய அளவில் வெற்றி பெறவில்லை.
இருந்தாலும் அவரது திறமை மீது நம்பிக்கை வைத்தே இந்தப்படத்திற்கு கதை எழுத வைத்துள்ளார் இயக்குனர் லால் ஜோஸ். மோகன்லாலுக்கும் இவரை பற்றி தெரியும் என்பதால் அவரது சமீபத்திய தோல்விகளை பற்றி மோகன்லால் பெரிதாக எடுத்துக்கொள்ளவில்லை. இந்த இருவரும் தன் மீது வைத்திருக்கும் நம்பிக்கைக்கு நூறு சதவீதம் வெற்றி கொடுக்க வேண்டும் என்பதால் ராப்பகலாக ஸ்கிரிப்ட்டில் தனது உழைப்பை கொட்டியுள்ளாராம் இந்த பென்னி பி.நாயரம்பலம்.. சரி.. அது என்ன 'மஜா' இயக்குனர்..? தமிழில் விக்ரம் நடித்த மஜா, சூர்யா நடித்த பேரழகன் படங்களுக்கு கதை எழுதியது இவர் தானே..
0 comments:
Post a Comment