திரௌபதியாக நடிக்க சம்மதிப்பாரா நயன்தாரா ?

திரௌபதியாக நடிக்க சம்மதிப்பாரா நயன்தாரா ?

06 ஜூலை, 2017 - 11:57 IST

எழுத்தின் அளவு:

தற்போதைய சூழ்நிலையில் தென்னிந்தியத் திரையுலகில் எந்த ஒரு சரித்திரப் படத்தின் வேலை ஆரம்பமானாலும் அந்தப் படத்தில் நாயகியாக நடிக்க அனைவரின் தேர்வாக நயன்தாரா மட்டுமே இருக்கிறார். எந்த விதமான சரித்திரக் கதைகளுக்கும் பொருந்தக் கூடியவராக நயன்தாரா இருக்கிறார் என்பதே அதற்குக் காரணம்.

தமிழில் தயாராக உள்ள 'சங்கமித்ரா' படத்திலும் நாயகியாக நடிக்க நயன்தாராவை அணுகியுள்ளார்கள். ஆனால், அவர் விதித்த சில நிபந்தனைகளால் அந்த பேச்சு வார்த்தை அப்படியே நிற்கிறது. இப்போது கன்னடத்தில் மிகப் பெரும் பொருட் செலவில் தயாராக உள்ள 'குருஷேத்ரா' படத்தில் திரௌபதி கதாபாத்திரத்தில் நடிக்க நயன்தாராவை அணுகியுள்ளார்கள். 2011ம் ஆண்டு வெளிவந்த 'சூப்பர்' என்ற ஒரே ஒரு கன்னடப் படத்தில் மட்டுமே நயன்தாரா இதுவரை நடித்திருக்கிறார். அதன் பின் பல கன்னட ஹீரோக்கள் கேட்டும் நயன்தாரா நடிக்க மறுத்துவிட்டார்.

இப்போது 'குருக்ஷேத்ர படத்தில் நடிக்க சம்மதிப்பாரா என்ற கேள்வி எழுந்துள்ளது. தெலுங்கில் 'ஸ்ரீராம ராஜ்யம்' படத்தில் சீதாவாக நடித்து அனைவரையும் கவர்ந்த நயன்தாரா, திரௌபதி கதாபாத்திரத்தில் நடித்தால் நன்றாக இருக்கும் படக்குழுவினர் நினைக்கிறார்களாம்.