படத்தின் டைட்டிலானது ரஜினி பிறந்தநாள்..!
09 ஜூலை, 2017 - 15:42 IST
ரஜினி பட டைட்டில், ரஜினியின் பாடல் வரி, அவர் பேசிய பஞ்ச் வசனங்கள் எல்லாவற்றையும் தேடித்தேடி டைட்டிலாக வைத்துக்கொண்டு இருக்கையில் தெலுங்கு இயக்குனரான செல்வா என்பவர் ரஜினியின் பிறந்த தேதியான 12.12.1950 ஐயே தனது படத்திற்கு டைட்டிலாக வைத்துள்ளார். நான்கு ரஜினி ரசிகர்களை பற்றிய கதைதான் இந்தப்படம். அந்த கேரக்டர்களுக்கு கூட பாட்ஷா, முத்து, பில்லா, எஜமான் என்றுதான் பெயர் வைத்துள்ளாராம்.
ஏற்கனவே இந்தியில் 'மெய்ன் ஹூன் ரஜினிகாந்த்' என ரஜினி பெயரில் ஒரு படம் தயாராகி, திரைக்கு வரும் நேரத்தில் அந்தப் படத்திற்கு ரஜினி தரப்பிலிருந்து வழக்கு தொடுக்கப்பட்டு பின்னர் அந்தப்படத்தின் டைட்டில் மாற்றப்பட்டு வெளியானது. அதேபோல இந்தப்படத்திற்கும் ரஜினி தரப்பில் இருந்து ஏதாவது பிரச்சனை வந்தால்..? அதற்கும் உஷாராக கடந்த மார்ச் மாதமே ரஜினியை சந்தித்து இந்தப்படத்தின் கதையையும் டைட்டிலையும் சொல்லி சம்மதம் வாங்கிவிட்டாராம்.
0 comments:
Post a Comment