வில்லன் ஆனார் நாகேஷ் பேரன்

வில்லன் ஆனார் நாகேஷ் பேரன்

05 ஜூலை, 2017 - 12:00 IST

எழுத்தின் அளவு:

பழம்பெரும் காமெடி நடிகர் நாகேஷின் பேரனும், நடிகர் ஆனந்த் பாபுவின் மகனுமான கஜேஷ், கல்கண்டு படத்தின் மூலம் சினிமாவில் ஹீரோவாக அறிமுகமானார். அந்தப் படம் தோல்வி அடையவே கஜேஷூக்கு தொடர்ந்து வாய்ப்புகள் கிடைக்கவில்லை. இந்த நிலையில் அவர் தற்போது நான் யாரென்று நீ சொல் என்ற படத்தில் வில்லனாக நடிக்கிறார்.

கீர்த்தி தரன், சுரேகா என்ற புதுமுகங்கள் ஹீரோ, ஹீரோயினாக நடிக்கிறார்கள். சோனா, ஆனந்த்பாபு, பாண்டு, கராத்தே ராஜா ஆகியோரும் நடிக்கிறார்கள். ஸ்ரீமணிமேகலை கிரியேசன்ஸ் நிறுவனத்தின் சார்பில் பி.மணிமேகலை தயாரிக்கும் இந்தப் படத்தை ஏ.எம்.பாஸ்கர் இயக்குகிறார். படம் பற்றி அவர் கூறியதாவது:

சோனாவின் மகள் சுதா ஐ.டி நிறுவனம் ஒன்றில் வேலை செய்கிறார். அதே நிறுவனத்தில் வேலை செய்யும் கஜேஷ் மற்றும் பேக்கரி தொழில் செய்யும் கீர்த்திதரன் இருவரும் அவரை காதலிக்க முயற்சிக்கிறார்கள். அதை தட்டிக்கேட்டு அவர்களை கண்டிக்கிறார் சோனா. அப்படி தட்டிக்கேட்ட அவர், இரண்டு நாட்களுக்குப் பிறகு கொலை செய்யப்படுகிறார். அவரை கொலை செய்தது யார் என்கிற கதை முடிச்சி தான் படத்தின் கதை. கிரைம் திரில்லர் படமாக உருவாகி உள்ள இப்படத்தின் படப்பிடிப்பு சென்னை பொள்ளாச்சி கேரளா போன்ற இடங்களில் நடைபெற்றுள்ளது. விரைவில் திரைக்கு வருகிறது என்றார் இயக்குனர் ஏ.எம்.பாஸ்கர்.