காதல் இல்லை ; சந்தோஷப்பட்ட பிரணவ் மோகன்லால்..!

காதல் இல்லை ; சந்தோஷப்பட்ட பிரணவ் மோகன்லால்..!

09 ஜூலை, 2017 - 15:17 IST

எழுத்தின் அளவு:

வாரிசுகள் நடிகர்களாக அறிமுகமாகும் வரிசையில் புதிய வரவாக இணைந்துள்ளார் மோகன்லாலின் மகன் பிரணவ். இயக்குனர் ஜீத்து ஜோசப் இயக்கத்தில் இவர் ஹீரோவாக அறிமுகமாகும் படத்திற்கு 'ஆதி' என டைட்டில் வைக்கப்பட்டு சில நாட்களுக்கு முன் படத்திற்கான பூஜையும் போடப்பட்டது.. நடிகர் முகேஷ், பிரணவின் தந்தையாக நடிக்கிறார். அதேசமயம் இன்னும் படத்தில் நடிக்கும் கதாநாயகி உட்பட மற்றவர்கள் முடிவாகவில்லை.

ஆனால் படத்தில் பிரணவுக்கும் கதாநாயகிக்குமான காதல், ரொமான்ஸ் காட்சிகள் என எதுவும் இல்லை என இயக்குனர் ஜீத்து ஜோசப் தெரிவித்துள்ளார். படம் ஆக்சன் த்ரில்லராக உருவாகிறது என்றாலும் ஹீரோவுக்கு காதல் காட்சி இல்லை என்பதை பிரணவ் ஏற்றுக்கொண்டாரா என்றால் அதிலும் ஒரு ஆச்சர்யம் வைத்திருக்கிறார் இயக்குனர் ஜீத்து ஜோசப். ஆம்.. இந்த படத்தில் காதல் காட்சிகள் இல்லை என்பதுதான் பிரணவை இந்தக்கதையை உடனே ஒகே சொல்லவைத்ததாம். பிரணவ் கொஞ்ச கூச்ச சுபாவம் கொண்டவர் என்பதால், ரொமான்ஸ் விஷயங்களை அடுத்த படத்தில் இருந்து பார்த்துக்கொள்ளலாம் என நினைக்கிறாராம்.