ஆகஸ்ட் 11-ந் தேதி ராணா படம் வெளியாகிறது
08 ஜூலை, 2017 - 11:58 IST
பாகுபலி-2 படத்தில் நடித்து வந்தபோது தமிழில் மடை திறந்து, எனை நோக்கி பாயும் தோட்டா ஆகிய படங்களில் நடித்து வந்த ராணா, தெலுங்கில் நேனே ராஜூ நேனே மந்திரி என்ற அரசியல் திரில்லர் படத்திலும் நடித்து வந்தார். அந்த படத்தின் ஷூட்டிங் தற்போது முடிந்து விட்ட நிலையில், இறுதிகட்ட பணிகள் நடந்து கொண்டிருக்கிறது. காஜல் அகர்வால், கேத்ரின் தெரசா ஆகியோர் நாயகிகளாக நடிக்கும் இந்த படத்தை தேஜா இயக்குகிறார்.
மேலும், இன்றைய அரசியலை சொல்லும் அதிரடியான கதையில் உருவாகியுள்ள நேனே ராஜூ நேனே மந்திரி படம் பாகுபலி-2வுக்கு பிறகு தனது அடுத்த ஹிட் படமாக இருக்கும் என்று கூறி வரும் ராணா, இந்த படத்தில் சில ஆந்திர அரசியல்வாதிகளையும் மறைமுகமாக அட்டாக் செய்திருக்கிறாராம். அதனால் அப்படம் திரைக்கு வரும்போது பரபரப்பை ஏற்படுத்தும் என்கிறார்கள். அதோடு, இந்த படத்தை சுதந்திர தினத்திற்கு வெளியிட திட்டமிட்டு வேலைகளை முடுக்கி விட்டிருப்பவர்கள், ஆகஸ்ட் 11-ந்தேதி நேனே ராஜூ நேனே மந்திரி ரிலீஸ் என்று அறிவித்துள்ளனர்.
0 comments:
Post a Comment