திலீப் உட்பட 3 பேர் மீது மகளிர் ஆணையம் வழக்கு : பாவனா வழக்கில் அடுத்த கட்ட திருப்பம்

திலீப் உட்பட 3 பேர் மீது மகளிர் ஆணையம் வழக்கு : பாவனா வழக்கில் அடுத்த கட்ட திருப்பம்

08 ஜூலை, 2017 - 10:28 IST

எழுத்தின் அளவு:

நடிகை பாவனா மானபங்க படுத்தப்பட்ட வழக்கில், கேரள மகளிர் ஆணையம் நடிகர் திலீப் உட்பட மூவர் மீது நேற்று வழக்குப்பதிவு செய்தது. பல்சர் சுனிலை போலீஸ் தாக்குவதால், அவரது போலீஸ் காவலை ரத்து செய்ய கோரிய மனு தள்ளுபடி செய்யப்பட்டது.

நடிகை பாவனாவின் திருமணத்தை தடுப்பது, அவரது பெயரில் பினாமியாக வாங்கிய சொத்துக்களை திரும்ப எழுதி வாங்குவது என்ற இரண்டு நோக்கத்துக்காக ஏவப்பட்ட கூலிப்படையின் சுனில்குமார் என்ற பல்சர் சுனில், அவரை மானபங்கப்படுத்தும் முயற்சியில் ஈடுபட்டதால் அந்த வழக்கு கேரளாவை உலுக்கி கொண்டிருக்கிறது. இந்த வழக்கில் இரண்டாவது முறையாக பல்சர் சுனிலுக்கு ஐந்து நாள் போலீஸ் காவல் வழங்கப்பட்டுள்ளது.

ஆனால் போலீசார் பல்சர் சுனிலை தாக்குவதாக கூறி, அவரது போலீஸ் காவலை ரத்து செய்ய வேண்டும் என்று நேற்று அங்கமாலி கோர்ட்டில் மனு தாக்கல் செய்யப்பட்டது. ஆனால் நீபதிபதிகள் அதை தள்ளுபடி செய்து விட்டனர்.

இதற்கிடையில் நடிகர்கள் திலீப், சலீம்குமார், இயக்குனர் சஜி ஆகியோர் மீது நேற்று கேரள மாநில மகளிர் ஆணையம் வழக்குப்பதிவு செய்துள்ளது. பாவனா விவகாரத்தில் பெண்மையை அவமதிக்கும் வகையில் இவர்கள் பேசியதாக கேரள பெண்கள் கலைஞர்கள் சங்கம் கொடுத்த புகாரின் பேரில் இந்த வழக்குப்பதிவு செய்யப்பட்டுள்ளது. இந்த சங்கத்தின் தலைவர், நடிகர் திலீப்பின் முதல் மனைவி மஞ்சுவாரியார் என்பது இதில் குறிப்பிடத்தக்கது.

பேசியது என்ன
நடிகர் திலீப்: நடிகை பாவனா நண்பர்களை தேர்வு செய்யும் போது கவனமாக இருந்திருக்க வேண்டும். பல்சர் சுனிலுக்கும், பாவனாவுக்கும் ஏற்கெனவே பழக்கம் இருந்தது. இருவரும் கோவாவில் ஒரு மாதம் தங்கியிருந்தனர்.

நடிகர் சலீம்குமார்: பாவனா சொல்வதில் பல குழப்பங்கள் உள்ளது. எனவே அவருக்கு உண்மை கண்டறியும் சோதனை நடத்த வேண்டும்.

சஜி: பாவனா இரண்டரை மணி நேரம் தான் பலாத்கார கொடுமையை அனுபவித்தார். ஆனால் நடிகர் திலீப் எத்தனை மாதங்களாக கொடுமையை அனுபவித்து வருகிறார்.

இந்த கருத்துக்கள்தான் மூவர் மீதும் மகளிர் ஆணையத்தின் வழக்குக்கு உள்ளாக்கியுள்ளது.

இதற்கிடையில் பல்சர் சுனிலுக்கு சிம்கார்டு வழங்கிய மலப்புறம் மாவட்டம் இம்ரான், அதை கொண்டு கொடுத்த விஷ்ணு உட்பட நான்கு பேரை பல்சர் சுனிலுடன் வைத்து ரவுண்டு கட்டி போலீசார் விசாரணை நடத்தி வருகின்றனர்.