வேறு வழியில்லை - சிம்பு கெட்டவனாகிறார்

வேறு வழியில்லை - சிம்பு கெட்டவனாகிறார்

08 ஜூலை, 2017 - 17:21 IST

எழுத்தின் அளவு:

சிம்பு நடித்து சமீபத்தில் வெளியான 'அன்பானவன் அசராதவன் அடங்காதவன்' படம் தோல்வியடைந்ததோடு, அப்படத்தை தயாரித்த மைக்கேல் ராயப்பனுக்கும் நஷ்டத்தையும் ஏற்படுத்திவிட்டது. இன்னொரு பக்கம், இனி சிம்பு நடித்த படத்தை பார்க்கவே கூடாது என்று அவரது ரசிகர்களே புலம்புகிற அளவுக்கு பெரும் ஏமாற்றத்தையும் கொடுத்துவிட்டது ஏஏஏ படம்.

ஏஏஏ படத்துக்கு ஏற்பட்ட கதி காரணமாக இப்போதைக்கு சிம்புவை வைத்து படம் தயாரிக்க யாரும் முன்வரவில்லை. எனவே ஏற்கெனவே ஆரம்பிக்கப்பட்டு, டிராப் பண்ணப்பட்ட 'கெட்டவன்' படத்தை மீண்டும் எடுக்கும் முயற்சியில் சிம்பு இறங்கியுள்ளார். நமீதா, லேகா வாஷிங்டன், சந்தானம் ஆகியோருடன் துவங்கிய 'கெட்டவன்' படத்தை அப்படியே கைவிடப்பட்டுதான் சிம்பு அடுத்தடுத்து வேறு படங்களில் நடிக்க துவங்கினார்.

இப்போது 'கெட்டவன்' கதையை சிம்புவுடன் வேறு நடிகர் நடிகைகளை நடிக்க வைத்து தயாரிக்க திட்டமிட்டுள்ளாராம் சிம்பு. இதுகுறித்து எந்த அதிகார்பூர்வ தகவலும் வெளியாகவில்லை என்றாலும் தற்போதைக்கு சிம்புவுக்கு இதைத்தவிர வேறு வழியில்லை.