விதார்த்துக்கு உற்சாகம் கொடுத்த ஒரு கிடாயின் கருணை மனு!

விதார்த்துக்கு உற்சாகம் கொடுத்த ஒரு கிடாயின் கருணை மனு!

17 பிப்,2017 - 09:17 IST

எழுத்தின் அளவு:

காக்கா முட்டை மணிகண்டன் இயக்கத்தில் விதார்த் நடித்த படம் குற்றமே தண்டனை. அந்த படத்தில் அவர் நெகடீவ் ஹீரோவாக நடித்தார். அதை யடுத்து விழித்திரு, ஒரு கிடாயின் கருணை மனு, குரங்கு பொம்மை, வண்டி, பில்லா பாண்டி என பல படங்களில் நடித்து வருகிறார். இதில் காக்கா முட்டை மணிகண்டனின் உதவியாளர் சுரேஷ் சங்கையா இயக்கியுள்ள ஒரு கிடாயின் கருணை மனு படம் ரிலீசுக்கு தயாராகி விட்டது.

இந்த படத்தில் மிக யதார்த்தமான நாயகனாக நடித்துள்ள விதார்த்துக்கு ஜோடியாக பிரபல டப்பிங் ஆர்ட்டிஸ்ட் ரவீனா நடித்துள்ளார். கிராமத்து கதையில் உருவாகியுள்ள இந்த படத்தில் சிறு தெய்வ வழிபாடு குறித்து ஒரு சமூக விழிப்புணர்வு கதை படமாக்கப்பட்டிருக்கிறது. ஈராஸ் நிறுவனம் தயாரித்துள்ள இந்த படத்தின் டீசர் சமீபத்தில் வெளியிடப்பட்டது. அதற்கு மிகப்பெரிய அளவில் ரீச் கிடைத்துள்ளதாம். குறிப்பாக விதார்த் படங்களில் இந்த படத்தின் டீசர்தான் பெரிய அளவில் ரசிகர்களை கவர்ந்துள்ளதாம். அதனால் இந்த ஒரு கிடாயின் கருணை மனு படம் தனக்கு பெரிய பிரேக் கொடுக்கும் படமாக அமையும் எ ன்கிற நம்பிக்கை விதார்த்துக்கு ஏற்பட்டுள்ளதாம்.